03/08/2016 下午06:00

［謎米博客］以前紅白機去到PS2年代，你畀錢買咗盒帶返屋企，係完全唔使再畀額外錢玩…… 所以聽過好多男性朋友話，課金打機完全唔畀老婆知，因為(1)佢哋老婆唔明乜嘢叫課金同(2)佢哋知道課金嘅銀碼後一定家變。自從出咗Pokémon GO，男女老幼、一家大細一齊玩，好多女人終於明白乜嘢叫課金同點解要課，仲要課埋一份…… 比起減肥、一齊開心、令大家完全唔理立法會選舉同練乙錚喺信報嘅專欄畀人停咗，呢樣先係功得無量。

28/06/2016 下午01:20

［謎米博客］由2015年8月開始，到今年9月，翠華納咗14個月共294萬租。呢14個月，翠華係一毫子生意都無做過。由於大股東持翠華約三分二股份，即係294萬喺由左手(大股東)轉右手(佢老婆)，餘下嘅由小股東找數。即係話，小股東白白畀咗約100萬阿大股東嘅老婆。租層爛樓出去，唔使賠，仲有錢落袋。真係多謝晒。我代佢老婆多謝啲小股東。

09/04/2016 上午10:52

［謎米博客］不過你唔好理，嗰陣佢已經係年薪幾球嘅高層（一球＝$1 million, US$ btw）。辦公室望住成個維港，家住禮頓山，住洋樓養番狗，生活美滿。點睇，阿水都係一個傑出、不可多得嘅人才。

01/03/2016 上午10:14

［謎米政治時事］我重申，我無任何黨派背景，無意參政，唔反對、亦唔會介意任何人出嚟選（我是誰？），我只係覺得，喺無任何預期管理、無任何預兆下，喺本土派興奮還未夠24小時內，排出一個五區團隊宣布有意參選立法會，係差到極嘅時機同手法。