就算同情人分開,但一齊共渡嘅片段回憶難以忘記得一乾二淨,特別係因誤會而分開嘅情侶,如果有機會舊情復熾,唔少人總會遲疑應唔應該重新開始呢段感情。如果你仍然躊躇不安,可以試下問自己以下嘅6條問題,或者可以帶嚟一啲啟示:

 

1.對方以前係如何對待你?
雖然你對對方非常熟悉,了解佢嘅優點缺點,但你應試下回想呢段感情中最難過、最傷心嘅部分,你有冇信心再經歷多一次同樣嘅傷痛?
 

2.係因為寂寞而想復合嗎?
你真係希望同佢重新開始,定只係希望有一個人陪伴係身旁,唔想再孤零零一個?分手後總會有段空虛期,要忘掉一個人亦需要一段唔短嘅時間,如果係搵到新嘅生活重心後,仍然最想同對方分享生活嘅點滴,說明你係真心想繼續呢段感情。


3.你確定復合係雙方共同堅定嘅願望嗎?
回憶總是最美,我地總會不期然美化一齊經歷過嘅片段。然而,你確定雙方都堅定地希望復合?定係只係一廂情願嘅諗法?

 

4.雙方係分開期間有改變嗎?
分手總有原因,如果當初雙方爭吵不休,或者其中一方背叛過呢段感情,你有信心唔會再發生嗎?係分開嘅呢段時間,雙方有冇反省過自己嘅不足?


 

5.有人因為復合而受影響嗎?
雖然感情係兩人之間嘅事,但係親友可能替你不值而反對復合。不過,若然你係真心希望復合,相信佢地仍然會祝福並支持呢個決定。

 

6.最後,呢個人值得你再冒險一次嗎?
就算復合咗,曾經分手嘅事實亦難以復原。呢個人值得你放棄尋覓新嘅伴侶嗎?修補呢段關係需要唔少時間及精力,你有勇氣面對及嘗試嗎?

 

Share On
Dislike
0
拍拖     謎米生活     前度     復合     情侶     EX

發表評論