香港電影商協會成員黃百鳴,狠批《十年》不應得獎,並指該片多甩漏、成本僅50萬,而且僅得一項提名。他稱:「我冇起身走人已經係忍住。」又反問:「以後香港電影冇準則,不如我拍個尖銳啲嘅題材,我就攞最佳電影。使乜要咁畀心機去做好一部電影?以後香港電影仲點會進步?」但報導稱當黃百鳴被問及《十年》有何甩漏時,黃百鳴稱未看過該電影。

 

黃百鳴曾於1992年拍攝《家有囍事》,5年後再拍《97家有囍事》,09年又有《家有囍事2009》,今年則加插當年韓國版獨有嘅槍戰片段,重新包裝上映,改名為《家有囍事加長版》,成為今年嘅賀歲電影。王宗堯或以此回應擔憂香港電影進步問題的黃百鳴稱,「十年前又係拍緊嗰部戲,十年後又拍嗰部戲嘅續集,咁代表十年後冇進步過囉!究竟邊個冇進步過,咁大家係面對現實進步緊吖,定係大家仲係平行空間繼續懷緬緊一啲嘢呢!」

 

香港電影導演會永遠榮譽會長張同祖則認為,現有的評審機制很公開,無可能被控制,而且具專業性,行之有效,毋須更改。他批評沒有看過得獎電影就質疑評審方法的人,不配做電影人。

Share On
Dislike
0
王宗堯     金像獎     50萬     十年     十年‬     最佳電影     黃百鳴     張同祖     尖銳

發表評論