早前上網都有睇過唔少人都話想搞海底酒店,不過大多都係只聞樓梯響,估唔到終於有國家真係出手,於海中心起一個海底渡假別墅。呢間咁靚嘅屋仔到底係邊到?

 

 

講緊嘅就係咩都要最浮誇最奢華嘅杜拜啦!位於杜拜 The Heart of Europe 嘅 The Floating Seahorse,並唔係你想像中嘅海中酒店,而係有錢人嘅玩意-海中屋。無錯,呢間海中屋,係要用錢買㗎,至於價錢係幾多?無番2、3億都唔好諗啦…..

 

漂浮於海中嘅別墅,一戶佔地 1,700 平方尺,總共有三個樓層,其中兩層位為海面之上,最上層係開放式spa池、露台及 mini-bar。

 

中層就係開放式客廳及設備齊全嘅廚房同用餐區,最令人一見醉心就係個戶外平台,放眼望去,就是一整片海洋,悠悠咁訓係到聽住海浪聲,你話幾嘆!

 

 

重頭戲當然係位於海面下低層,主人房同浴室都係齊到,整片落地透明大玻璃,盡收眼簾嘅海底世界成為最正嘅景觀,魚群、珊瑚礁就在眼前,活生生就係個最天然水族館。咩話?你仲望緊海景?Sorry,我睇緊海底啦。

 

 

雖然,靚就真係幾靚,豪華真係幾豪華,之但係咁搞法,又唔知破壞咗幾多海洋生物,唉....

 

http://thefloatingseahorse.com/exclusive-investment-opportunity-in-dubai/

Share On
Dislike
0
住屋問題     ‎謎米生活     海中屋     海底世界     underthesea     有錢人玩意

發表評論