女人狠狠地摑了她的男人一巴,扮著楚楚可憐的說:「原諒我,我不是有心,只是真的太氣憤,把你當成出氣袋,抱歉。」
然後,她開始眼眨淚光。
這時男人望住眼前的她,一手抱她入懷,腦海裡已完全忘記了另一個坐在家中的另一個她。
噢!真是醉生夢死的浪漫!
女人心想:「又搞掂!」

 

***********

 

我有時會好無聊咁問我老婆:「如果第日我包二奶,你會點?」佢斬釘截鐵咁話:「即刻離婚!」
或者沒有小朋友的夫妻真係可以瀟灑好多。兩公婆一旦有細路,尤其係女人,事情變得千絲萬縷。「啲仔女仲細」,「都同佢捱咗咁多年喇」,「一個女人帶住2個仔好難」。
算吧,我只係講吓。我每次一諗到要難為一個同自己出雙入對,有難同當嘅人嘅時候,我知我說服唔到自己。一個男人如果可以背叛與自己年過年,關過關嘅女人,他還算男人嗎?
其實我嘅標準好低,明白男人點解會叫雞,很多時真係生理需要,不會糾纏。off and go⋯但二奶呢 ~~
當我們大力狠批來自強國的女人多麽狡猾,處心積累,甚至明刀明槍地去盲搶別人的東西時。事實是,我們不需要向北望,同一樣的人已經梗有一個喺本土。只要略施手段,大把男人自動投懷送抱。

 

我今年四十歲,可能會突然覺得存在感下降,患上中年危機。但我知,我一定唔會。
並肩,是很重要,但要同對的人。
作為一個人,我自少就係藐視小三。

 

Share On
Dislike
0
林雨陽     小三     二奶     人夫作業

發表評論