藍友斑

建築師、公司合伙人,業餘寫作,夾雜於新舊世代之間,寫盡港式生活故事。

件事係20分鐘前發生。

話說我同爸媽飲緊茶,係酒樓度個個都傾緊區選,於是我同爸媽講,不如一陣飲完茶去投票囉?

「投咩投,邊有得投呀,我已經掉晒區議會啲傳單啦。」阿爸望一望我,繼續讀報。

吓?點會無得投呀?阿爸解釋:「仔,你係咪呢區住㗎?寶馬山得一個候選人,佢叫邵家輝,自動當選咗啦!早兩日佢已經係山腳多謝大家支持啦。」

多謝支持?你邊有我呢票嘅支持?他媽的自動當選!

平時我真係無咩理區務,但去到投票呢一刻,我先明白原來有票但無得投係幾咁肉赤嘅事。

如果大家有得投票,唔該,今日一定要投,快啲投!幫我地呢啲「自動當選」區嘅人投埋!

「喂仔,你飲茶猛望電話,搞咩呀?」

爸媽,唔好意思,其實我係打緊呢篇文章。

#區選 #區議會 #投票 #民主 #全家總動員 #藍友斑

Share On
Dislike
0
民主     區議會     投票     藍友斑     區選     全家總動員

發表評論