Michael

香港網台 App 軟件設計人 專業工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

精選提要
Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。
精選提要
Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

Michael,香港網台 App 軟件設計人,專業軟件工程師。一系列文章為你詳細講述成為軟件工程師之路,及如何自毒撚脫毒,繼而成家立室。想成為軟件工程師必看!

 

(三)美加大學多女神

上篇提到工程系九男一女,男女比例嚴重失衡,不過幸運的是,大量女神BB都係美加大學出品。

前些時有文章話做軟件好過做教授,我係絕對唔認同這個說法。科技界大起大落,四十歲可能已經差唔多係全公司最老,本人做咗十幾年已經經歷了兩次經濟衰退大裁員。早幾日又有大遊戲商 EA 關店。我第一次經歷裁員係全個部門百幾人被叫到一間酒店,一半人去一間會議室收大信封,另一半就要叫你繼續努力,只是事後留低的都差不多變成了活死人,等幾時輪到你。一間歷史悠久全世界最大科技公司都可以在科網爆破數年間消失。

第二次要負責炒人,每個要機械式讀一段寫好咗的分手宣言,跟住人事部就接手講幾多補償,做一次真係命都短幾年。相反,像幾位經濟3.0教授,攞到終身教職之後,唔怕被炒又有退休金,平穩生活對有子女的實在更加理想。

返回正題,在北美你可以長期做工程師唔做管理工作,也可以做到中級或高級才慢慢轉做管理。除人工外,公司大多用幾年分期生效的股票或認股權證作為工作表現的獎勵和留住員工的工具。像我這種低層員工,股票一般可以看成年終雙糧,但如果你幸運地得到認股權證而又更幸運地公司股價好的話,股權價值隨時可以幫你付買屋首期。

如果你讀完大學之後一定要返香港做的話,策略就要有點唔同。眾所鳩知,香港科研少得可憐,科技公司都只有個 sales office。如果你一心返香港做投資銀行,你 coop 時就應該找大投資銀行工作。如果你數口好,即係可以三、四年級微積分、統計學都可以近滿分的話,你也可以報讀那科聽說非常吃香的金融工程碩士。我也有兩個香港人同事在大裁員前公司出錢讀完了 MBA,裁員後返港就轉了做 marketing 之類的工作。

前文講到工程系男女比例是九比一,所以你都唔好諗在自己同班同學中有運行。昨天竟然連王迪詩都寫電腦系港男和港台日韓女,話港女係個 brand 喎。雖然佢有點 bias,而你也在北美大學中隨時有更多的台日韓妹選擇,不過最幸運的是,如果你真係鍾情於港女,其實有大量女神 BB 都係美加大學出品:林嘉欣、鍾嘉欣、袁彌明、汪詩詩、陳法拉等等,一睇就知美加港女品質有保證,麥記仲可能真係佢哋最愛*。

雖然這些機會又怎會屬於我?連常常坐我隔離的台妹同學都被另一班的電子工程港男追掉。不過唔使怕,差不多所有學系都要讀基礎電腦科,識得寫程式又識整電腦的你就變成你的天然優勢!

我幾個香港同學差不多全數追到了會計系港女!

當然,如果你真的毒到不行,就可能要用最後武器:去參加大學華人團契。


*(可能喺外國讀書無嘢好食,港女又唔識煮,所以工程師有著數,因為睇食譜煮食同做實驗係一樣嘅。)

 

(未完待續)

 

其餘連載:

(一)入學、做 intern / coop

毒撚軟件工程師出頭血淚史 —— (一)入學、做 intern / coop

(二)搵工、面試準備

毒撚軟件工程師出頭血淚史 —— (一)入學、做 intern / coop

創業(一)

毒撚軟件工程師出頭血淚史 —— 軟件工程師之創業(一) | Michael | 謎米博客

創業(二)

毒撚軟件工程師出頭血淚史 —— 軟件工程師之創業(二) | Michael | 謎米博客

創業(三)

毒撚軟件工程師出頭血淚史 —— 軟件工程師之創業(三) | Michael | 謎米博客

搵食(一)

毒撚軟件工程師出頭血淚史 —— 軟件工程師之搵食(一) | Michael | 謎米博客

Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

Share On
Dislike
0
Michael     毒撚     軟件工程師     港女

發表評論