Michael

香港網台 App 軟件設計人 專業工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

精選提要
Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。
精選提要
Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

Michael,香港網台 App 軟件設計人,專業軟件工程師。一系列文章為你詳細講述成為軟件工程師之路,及如何自毒撚脫毒,繼而成家立室。想成為軟件工程師必看!

 

(一)入學、做 intern / coop

根據 Glassdoor, 美國大科技公司軟件工程師起薪約八萬美元,即係五萬港元一個月。要入這些公司其實唔難,如果你係毒撚好鍾意玩電腦,想寫下一個《Grand Theft Auto》又或 iOS 13,可以看下去。

不過,這裡說的只係其中一條路,如果你邏輯弱又有其他興趣或強項,就千祈唔好勉強,比做工程師好的工作多的是,高人工的部份原因係科技界大起大落,大公司都好易裁員,又無退休金等。本人也非什麼成功人士,只是一間美國大公司的管理最低層,即係股票期權發達無你份,做醜人要炒人就係你那種。

我年輕時都算係毒撚一個,由山塞 Apple II Plus 到中學玩任天堂紅白機,細個就改遊戲程式的 save file 使自己有更多金幣武器等。不過當年香港中學雞無人教又唔識找書看,除了這些小把戲和寫基本程式外係乜都唔識,中學成績剛剛合格那種。

大前提,你要肯離開香港,越早越好。我都有個中學同學喺 HKU 讀完工程之後走的,不過這類係少之又少,我其他香港來的同事都不是在香港讀U的。如果你英文唔係好得,其他成績又係普通,就最好更快走。去外國讀最後一兩年中學學好佢,你點都要入到一間唔係野雞大學讀電腦。大學電腦有分工程和科學。工程著重實用加軟硬件,電腦科學則理論加數學。基本的兩邊都交,而請人時都係睇見工表現,所以讀工程或電腦科學對見工無太大分別。而且很多大學的電腦科學是在一般科學系的,收超多人,你入到就可以了。

讀大學係只求合格,我從來無比人睇過我張成績表,亦未問過人睇。無乜人電腦系一畢業讀 grad school,有工做邊個肯讀?所以就算你真係想上研究院,成績好少少就可以了。如果你 undergrad 無離開香港,都可以試吓用 grad school 出去, 電腦科好易收。

重點來了,你一定要出去做 intern / coop, 有幾多做幾多,而一般電腦科 coop 都有三四萬美元一年人工,就是國際生都夠俾學費有餘,所以千祈唔好求快畢業只讀不做。你係毒撚唔係天才,大公司係唔會請無經驗的做 full time。而找什麼工作做 coop? 最好都係做一個硏發的工作,還要找個好的上司,因為佢會把你訓練到可以合作的工作水平,code review 和 testing 要學足,到你做 full-time 時無人想幫你執手尾和孭鑊。

Coop 主要分兩類,一類係二、三或三、四年之間連續做十六個月,另一類係讀四個月做四個月,畢業時做咗加埋兩年,視乎大學而定。一般大學係前者,唔會特別幫你找工作,少數大學係後者,因為四個月一個學期,暑期也是一個 full term 教授要教。我自己係讀後者的,好處係份工唔好都係四個月,而且就是第一份工差一點,有了頭四個月經驗後會順利很多。不過我剛去了一間屬於前者的大學請人,成績都算不錯。經過兩輪面試,第一輪見了三十人,一半入第二輪,最後決定請了五個。

(未完待續)

 

其餘連載:

(二)搵工、面試準備

毒撚軟件工程師出頭血淚史 —— (二)搵工、面試準備 | Michael | 謎米博客

(三)美加大學多女神

毒撚軟件工程師出頭血淚史 —— (三)美加大學多女神 | Michael | 謎米博客

創業(一)

毒撚軟件工程師出頭血淚史 —— 軟件工程師之創業(一) | Michael | 謎米博客

創業(二)

毒撚軟件工程師出頭血淚史 —— 軟件工程師之創業(二) | Michael | 謎米博客

創業(三)

毒撚軟件工程師出頭血淚史 —— 軟件工程師之創業(三) | Michael | 謎米博客

搵食(一)

毒撚軟件工程師出頭血淚史 —— 軟件工程師之搵食(一) | Michael | 謎米博客

Michael,香港網台 App 軟件設計人,專業軟件工程師,工作和愛好都係寫 code,被父親一次過掉去所有日漫單行本後開始脫毒,但都係港漫變咗打異形後才算是成功。現在興趣變了手槍射箭,目標係六十歲前去奧運打手槍。

Share On
Dislike
0
Michael     毒撚     軟件工程師

發表評論