李思行

以文會友、把歌傾情;追求真善美、常懷赤子心。

由於限期(死線,死死聲,唔老嚟)將至,近日政壇眾生相不單「過癮」,重令人目不暇給。

先有一啲慣見嘅公眾人物「大鳴大放XX」,例子就有:

「示威市民。。。令到普通市唔尊重警方執法,引起唔守法嘅觀念,長遠嚟講只會益咗大賊。」

「落實831政改測試香港人係咪真正回歸。。。」

「如果能夠落實普選,取消強積金對沖、增加法定勞工期同全民退保等都較容易做到。。。唔好理佢提名階段係點。」

至於一班高官,唔知俾邊個點,學人玩「飛天老爺車」,但喺車上面「獨樂樂不如眾落落」,所以一次之後,佢哋就各自落車向佢哋眼中嘅市民派傳單,但唔知係咪部攝影機有問題,影到接傳單嘅唔係老弱,就係稚子。

暫時嚟睇,以一位阿伯問一個高官「嗰千二人係點樣選出嚟」最富戲劇性 - 令個高官「放下身段,展現真我」。

又難怪嘅,自己都唔知點解釋嘅嘢,點去說人接受、支持?

其實除咗「飛天老爺車」,多啦A夢嗰部「時光機」都好好玩;下個月就係重陽,就帶大家去《搜書院》當中嗰幕《步月抒懷》嘅現場,欣賞有把純青爐火嘅老馬點樣將呢段擲地有聲嘅對白、唱詞嚟演繹。

(林伯提書院燈籠上,謝寶步月後上)

謝寶: (白)安步當車回書院,一輪明月照海南,哈哈!

林伯: (白)老師呀,莫非多飲幾杯花了眼,剛過重陽只得半邊月,何以說一輪明月照海南?

謝寶: (白)哦!你看見是半邊明月?

林伯: (白)半邊明月。

謝寶: (白)我也看見是半邊明月。

林伯: (白)本來是半邊明月。

謝寶: (白)呃呃,你看見半邊明月,我也看見是半邊明月,合起來豈不是一輪明月啦?哈哈!

林伯: (白)老師德重才高,無人不贊,贊你諸子百家,天文地理,無所不識。

謝寶: (白)我有所不曉!

林伯: (白)哪樣不曉呢?

謝寶: (白)一不曉阿諛諂媚,二不曉顛倒是非,三不曉傷天害理。

林伯: (白)此所以得人稱讚,

謝寶: (白)哎,此所以得罪權奸呀!

(中板) 吏惡官貪,佢處處魚肉良民,真堪浩歎; 可嘆難伸正氣,遍地城狐社鼠,刑清政簡再見難。 怕見那險惡宦途,佢彼此朋比為奸,附勢趨炎我不慣; 一般卑污苟賤,日夜在豪門奔走,承顏奉色太無顏。 還是我嘅菜根香,我讀書滋味長,樂得清茶和淡飯; 若不能行己志,縱使榮華顯貴,我也視作等閒。 最鄙那官宦家,不屑與之往還,非是老夫脾性硬; 應該分清濁,不能棱模來遷就,應留正氣在人間!

按:《搜書院》劇情 - 重陽節,瓊台書院學生張逸民與鎮台府丫環翠蓮相識。鎮台夫人認為翠蓮在外面有私情,翠蓮死不招認。道台要納翠蓮為妾,翠蓮得知後,女扮男裝逃出鎮台府。瓊台書院掌教老師謝寶帶翠蓮到書院,與張逸民相見。翠蓮願與張逸民回鄉同甘共苦。鎮台帶兵丁包圍書院,張逸民向謝寶說出實情,謝寶決定成全他倆。謝寶以書院是道台所轄為由,拒絕鎮台搜查。鎮台叫謝寶同去見道台。謝寶把翠蓮藏在轎內,走到半路,謝寶下轎步行,待鎮台和謝寶走遠,轎夫放出翠蓮,與張逸民遠走高飛。 h

ttp://wapbaike.baidu.com/view/1116853.htm?adapt=1

&

 

李思行 - 以文會友、把歌傾情;追求真善美、常懷赤子心。 李思行面書:https://m.facebook.com/sixing.li?ref=bookmark 思行思語專頁:https://m.facebook.com/profile.php?id=349247198508841&ref=bookmark

Share On
Dislike
0

發表評論