精選提要
2015年,她們相信新的香港已經萌芽。但雞蛋面對高牆,將來的路即使難行仍然走下去,正如歌詞一樣「任暴雨下,志向未倒下」。
「撐起雨傘」係屬於2014年,有為我地嘅地方付出過汗水與淚水,每一位有為自己去爭取過嘅香港人。
精選提要
2015年,她們相信新的香港已經萌芽。但雞蛋面對高牆,將來的路即使難行仍然走下去,正如歌詞一樣「任暴雨下,志向未倒下」。
「撐起雨傘」係屬於2014年,有為我地嘅地方付出過汗水與淚水,每一位有為自己去爭取過嘅香港人。

昨晚由商業電台主辦的「叱吒樂壇頒獎禮」,《撐起雨傘》以大熱姿態成功奪得「叱咤我最喜愛的歌曲」。歌手何韻詩發表得獎感受時,認為《撐起雨傘》屬於每一位付出汗水和淚水,為自己爭取的香港人,並認為2014是轉變的一年,2015將是嶄新香港的開始。

 

何韻詩代表領獎時,她指過去的香港只有權貴可以發聲,並是一個充滿潛規則的地方,但雨傘運動後,年輕人證明了他們有表達自己,靠自己方法發聲的權利。2015年,她們相信新的香港已經萌芽。但雞蛋面對高牆,將來的路即使難行仍然走下去,正如歌詞一樣「任暴雨下,志向未倒下」。

 

最後,她指《撐起雨傘》一曲記錄了一個時代,「唔係屬於任何一位歌手,任何一間唱片公司,任何一個單位,「撐起雨傘」係屬於2014年,有為我地嘅地方付出過汗水與淚水,每一位有為自己去爭取過嘅香港人」。

 

當主持宣佈《撐起雨傘》成為「叱咤我最喜愛的歌曲」時,在場不少觀眾立即撐起黃色雨傘,場面感動。

 

===========================

〈何韻詩facebook全文〉:

今天台上的感言。

「2014年,係香港經歷最大轉變嘅一年。喺一個從來只有權貴可以發聲,從來充滿潛規則嘅地方,雨傘運動由年輕人去證明咗,原來嚟到呢個新年代,每一個人都有表達自己,用自己嘅方法去發聲嘅權利。我地唔再需要別人去為我地提供舞台,我地發現,只要係有人民嘅地方,我地就可以創造出屬於我地每一個人嘅舞台。

 

今日係2015年嘅第一日,我地相信,一個嶄新嘅香港已經萌芽。但我地亦知道,未來將會更嚴峻,我地將會面對更多打壓及不公義。但正如歌詞裡面所講,「任暴雨下,志向未倒下」,雖然我地都只係雞蛋,面對高牆,我地一時三刻可能無能力去推翻,但我地依然可以將我地嘅意志畫上去,令我地嘅信念遍地開花。

 

「撐起雨傘」記錄咗一個時代,佢唔係屬於任何一位歌手,任何一間唱片公司,任何一個單位,「撐起雨傘」係屬於2014年,有為我地嘅地方付出過汗水與淚水,每一位有為自己去爭取過嘅香港人。」

 

呢份新年禮物,係由你地送比自己嘅。

革命一天未成功,雨傘心就不會死,

香港人,新嘅一年正式開始,我地一齊繼續加油。

===========================

 

文字@山卡啦

Share On
Dislike
0

發表評論