恐怖片一直不乏捧場客,無論係同心儀女仔睇戲,定係一大班朋友係渡假屋講鬼故互嚇大家,恐怖片絕對係不二選擇!不過,香港其實都好似唔太睇重恐怖片嘅市場,但係樂視(LeEco)今個月推出咗條全新嘅恐怖懸疑片OTT頻道Thrill 360,除咗可以睇到樂視安排咗嘅直播之外,仲可以隨時用點播睇返miss咗嘅片,而且四月仲有「清明時節嚇不停」電影系列,好鬼期待呀!

 

 

 

唔同地方嘅恐怖片當然有唔同嘅特色,無論係陰森壓抑嘅日本片、着重因果輪迴嘅泰國片,定喺血腥瘋狂嘅美國片,都可以係呢條頻道睇到,總之中日韓泰歐美,總有一款啱心水!四月嘅「清明時節嚇不停」推介,包括梁家輝、林熙蕾做嘅《奪命心跳》,同埋薛凱琪主演、邱禮濤導演嘅《青魘》,作為亞洲區唯一的恐怖懸疑電影OTT頻道,推出嘅片量同質素都絕對唔馬虎。

除咗經典嘅鬼片,當然唔少得驚慄嘅電視節目啦,例如講述幽靈獵人團隊探訪鬧鬼地點嘅超自然調查劇《Ghost Hunters》、以第一身方式展示受害者被靈異攻擊嘅紀錄片《When Ghost Attack》,由虛擬到現實都有,鬼片迷就唔驚冇得揀!

 

小編出席咗樂視搞嘅Thrill 360體驗活動,睇咗韓國恐怖電影《恐怖故事》嘅其中一個故事,好快就load到套戲唔洗等,字幕同埋清晰度都十分唔錯!樂視仲特登搵咗兩隻「喪屍」,係大家試用頻道嘅時候不時嚇大家搞氣氛,小編被佢嚇中咗兩次呀!現場仲有啲驚嚇小食,不得不說,啲蛆蟲做得好認真……當然唔少得恐怖擺設,完完全全令小編置身電影當中,仲不時感覺到一絲絲寒氣添!

 

 

Share On
Dislike
0
樂視     恐怖片     鬼片     驚慄片

發表評論