Relgitsjg—史兄

80後,機緣巧合成為第一代博客,博客群組《香港原人圈》成員之一。

環球低息環境,喺2008年金融海嘯由美國呢個罪魁禍首開始。

 

到咗佢聯儲局要決定加息,由2014年12月開始,喺官方同市場放風放足一年,終於喺2015年12月先加咗一次息。開頭出嚟講,梗係有市場動盪 -2014年3月嗰陣,Janet Yellen話 "considerable time" = "six months",嗰市嚇到仆街,然後班官要即刻出嚟解畫,控制返個市場情緒。跟住佢2014年12月喺議息會議將 "considerable time" 刪去,又有一陣市場上落。

 

不過隨住時間過去,大部份人已經將加息呢個預期discount咗。去年12月加息,個市幾乎無驚無喜。

遲早都要加,不如越早加越好?

 

Sorry, it's not only about what you want to do, but also about expectation control and management.

---

過咗半日,有啲嘢我始終唔係好明。以時機計,今日可以話係熱血普羅城邦公布2016年立法會參選意向嘅最差時機。我只能想像到一個更差嘅時機,就係尋晚10:30。

 

好多人支持梁天琦係本土派,但唔支持熱血公民。呢啲人會點諗熱血公民喺幫助完梁天琦第二天,選舉完結不足廿四小時就出嚟宣佈參選?起尾注?鎅票?收割?搶佔本土派光環(收割延申)?部份純粹因為梁天琦而投了他一票嘅,會對熱血公民生厭-完完全全係時機不適合。

 

你可以否認所有指控,但唔能夠操控人點諗同點睇,仲有點投票。

 

從本身投梁天琦但非熱血支持者嚟睇,若梁天琦9月唔選,一定會有人覺得係熱血公民迫到梁天琦唔選,於是唔投熱血公民;若梁天琦選,則對熱血公民嘅票源毫無影響。

 

依我睇嚟,今日公布有意參選,完全不會得到任何人嘅額外支持,反而只會趕走一班潛在支持者。參選乃係要得到其他人嘅支持(唔係你唔好參選啦),我廢,冇聽過有人第一天宣布有意參選,用意等同幫自己趕客、將自己邊緣化。

 

我重申,我無任何黨派背景,無意參政,唔反對、亦唔會介意任何人出嚟選(我是誰?),我只係覺得,喺無任何預期管理、無任何預兆下,喺本土派興奮還未夠24小時內,排出一個五區團隊宣布有意參選立法會,係差到極嘅時機同手法。

 

差到我深信:唔怕你嘈、唔怕你鬧,最怕你覺得唔核凸。越核凸、越鬧事就越好。

我蠢,從一個希望進入議會嘅目的去睇,理解唔到呢件事。

 

---

我完全明白熱血支持者所講:遲早都係講要選,早講好過遲講。

問心:如果尋日有幫過楊岳橋嘅泛民議員/人士(例如黎汶洛),今日五點出嚟話要選立法會,你仲講唔講得出乜嘢「遲早都係講要選,早講好過遲講」?我諗佢已經畀人改圖改到徒步行上月球咧。(事實佢未參選啲改圖已經高過IFC)。

完。

 

《利申,啱啱補選(好似十年前嘅事),冇就6、7號作任何取態。》

原文出處:史兄

Share On
Dislike
0
熱血公民     史兄     新東補選     梁天琦

發表評論