Annie Lee

曾於醫學美容及營養中心任職營養師主管. 現為私人執業營養師. 主要負責體重管理, 改善膽固醇/血糖/血壓等問題. 為多個健康專欄分享營養資訊, 以及舉辦健康講座.

英雄,不論大小 - 之奇異籽(Chia Seeds)

 

之前介紹過大麻籽 (Hamp Seeds),但有時容易與奇異籽 (Chia Seeds) 和亞麻籽 (Flax Seeds) 混淆, 所以今次又介紹一下奇異籽。奇異籽,又名奇亞籽、尾草籽等,是沙漠植物鼠尾草的種籽,原產地是墨西哥。奇異籽顏色啡啡黑黑,但有些又是米白色的,細細粒,只比芝麻大少少。不過,細細粒唔代表無價值:「Chia」於古代瑪雅文字代表「Strength」 (力量)。奇異籽雖然細粒,但有豐富營養價值,一安士 (28克) 的奇異籽,即大約兩湯匙的份量,有12克碳水化合物,當中11克是纖維,另有5克蛋白質, 9克脂肪 (含奧米加三脂肪酸)。

 

12克碳水化合物當中有11克是纖維,代表澱粉質含量少,屬飽肚、高纖、低升糖指數的食物。有人甚至用奇異籽減肥,以及延緩血糖上升速度:每餐餐前兩湯匙奇異籽, 等於吃了三碗灼菜,容易控制正餐食量之餘,亦可延長飽肚感.。而5克蛋白質,差不多等於一隻雞蛋的蛋白質,運動後兩湯匙,好過吃雞蛋 (起碼沒有膽固醇)。奇異籽含脂肪,不過當中亦有大量好的脂肪酸奧米加三 (Omega-3 Fatty Acids)。奧米加三有助平衡體內的好壞膽固醇比例,而且亦有抗炎、抗氧化的作用。雖然植物中的奧米加三的吸收率比深海魚 (如三文魚)低,但對於素食的朋友,奇異籽是其中一個吸收奧米加三的重要來源。除此之外,奇異籽還含有其他微量營養素如鈣、鎂、錳、磷、鋅、鉀、維他命B等,絕對不能睇少。至於食用方法,可加落麥皮、沙律、穀物早餐,或做麵包、蛋糕、甜品,亦可加落豆漿、乳酪、果汁,甚至直接加落水飲 (不過因為含大量纖維,好快變啫喱狀,要快飲)。所以,英雄,不論大小!

Share On
Dislike
0

發表評論