香港好奇怪,講政治有學者同你講「阿媽係女人」,講經濟就有所謂學者做你理財顧問,教你買乜炒乜。好似尋晚美國聯儲局宣佈加息,我哋係好有營養嘅傳媒,就即刻抄錄咗幾位經常見報嘅本地學者為大家「分析分析」。

 

《蘋果日報》:中大市場學系教授冼日明認為,樓價跌勢確實已經形成,相信未來一年的樓價下調幅度約一成至一成半。不過,他預料加息最多加多次共約半厘,除非美國通脹好犀利或者失業率好低,否則不會加得多和加得密。

 

《蘋果日報》:城市大學經濟及金融系副教授李鉅威指,美國加息消息確定後,料對香港樓市調整期僅限於明年初,估計調整幅度約一成至一成半。他解釋,由於市場上對住屋需求仍大,而且相信最快都要半年後先再加息,而且息口升了,樓價跌了,反而對用家入市有利,相信每一個人都寧願高息低樓價,都好過低息高樓價,故此,他相信市場在過年後的氣氛會好返。

 

《無線電視》:中大全球經濟及金融研究所所長莊太量稱:「如果你擔心加息潮,因為加息潮是會一直加上去,所以債券未來一年都會跌值,短炒賣暫時不要持有債券,套現為現金會較穩妥。」

 

如果要編輯部用一句總結,就係「基本上全部都係老點」。呢班學者成日話樓市股市會跌幾成升幾成,都唔知數字點樣得出黎,到底係憑感覺斷估,定係用乜嘢複雜嘅統計模型得出答案?你掛住學者銜頭,普羅大眾覺得你信得過,然後真係跟住你去買去賣,輸咗錢唔通搵你算賬?最慘係你班學者講到似層層升幾多跌幾多,又唔見你真金白銀走去買,個個都係得個講字。

 

做學者做到財演咁,反而唔正正經經咁去分析聯儲局嘅決定,解釋美國貨幣政策係如何制定,以及分析美國現時經濟環境差過預期,到底係邊個嘅錯?係成日見報嘅學者本身冇乜斤兩,定係傳媒水平太低淨係識得問呢啲問題?

Share On
Dislike
0

發表評論