筆華棋

在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗。著作【七宗罪】。

精選提要
在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗噏。著作【七宗罪】。
精選提要
在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗噏。著作【七宗罪】。

 

老地方其實是灣仔海傍會展新翼對開的一片空地,亦即金紫荊廣場旁邊。每次,我們都會先到鷹君中心的7-11買一些吃的、喝的,再各自駕車到海旁。

 

入7仔前,我在門口突然停下來。

 

我:「喂,唔好入去住,想問你啲嘢,知唔知一包維他奶幾錢?」

 

「一包定一 pack先,大包7仔應該賣 $8.2、細包平$3到,不過而家好多舖都淨係得大包嗰隻;一 pack百佳賣緊 $18左右,做乜勁?」國材覺得有點意外。

 

我也不好意思出聲解釋,爸經常說我不留心身邊事,原來真的是我自己問題,連國材這位甚少喝維他奶的,都那麼清楚價錢,看來我真的要檢討一下。

我買了包大號維他奶和 Lakerol 糖後驚覺,仆你個街,真係 $8.2,連點數位也中,其實我明白一包奶多少錢根本不重要,但我開始認同人是須要細心,從身邊最細小的事起,用心留意,慢慢才會清楚這世界和身邊的人是怎樣運作,這樣方可接近成功之路。

 

每次來到老地方也無甚麼特別,主要是「鳩hea」,可能大家也慣性被屌,所以變相會很珍惜朋友間互相勉勵的時間;換句話說,就是大家也廢,廢人和廢人玩就自然有親切感囉。我把車泊好,然後上了國材的Audi TT,開了兩邊窗,各自開始吞雲吐霧。

 

國材是一位我由細識到大的好朋友,基本上我每次闖禍,也會第一時間找他,而我們的共通點就是自卑,當大家也看不起自己時,反而會變成懂得去欣賞其他人的優點。國材雖然經常說自己窮、無出色,事實上他於武漢法律系畢業後,回港便開始放數, 在我們朋友間算最成功, 是首個和唯一一個,已賺到自己第一個一百萬的人。雖然,他一直沒請過我們吃飯,之前讓他住我們旗下另一單位又沒交租,但做朋友是不應該計較這些的。

 

「你都好嘢,之前泊完小巴站 俾人爆玻璃,今個星期又搞單新嘢。」國材一呼一吸間帶點西味。

 

「唉,上次仲好講,唔係你要食嘢又唔想揸車,我會搞成咁?今次唔記得熄燈,個個都試過啦,我係唔識『過江龍』係乜嗟,呢啲嘢我叫司機Raymond做得啦,我點會自己搞,唔識都好正常。」我死撐。

 

「你話係就係啦撚哥。」國材邊搖頭邊噴煙。

 

此時,有幾位內地遊客行過我們車頭,停在我的Cayman前面,開始擺pose影相。

 

「嘩,開心死你啦,波子真係無撚敵,你睇吓,佢哋直情當係『拉利』咁影!」國材興奮地說。

 

「屌,有乜咁開心,我寧願做你,你起碼自己揾到錢,阿爸阿媽唔屌你。我17歲戴勞,18歲揸 Cayman,23歲大學畢業老豆已經買咗層樓俾我,我人生仲有咩目標,人哋一世人想追求嘅嘢我都得到晒啦!係,人哋睇我好,個個月遊埠又剩,但我一世人所有嘢都係阿爸阿媽俾我,無乜作為,咁我生存究竟為乜?做人真係無意思,有時真係好想死,但我連死嘅勇氣都無,死咗都要被人屌,實有好多人話『有錢仔都要自殺,咁我咪死十次都唔掂!』你諗吓,如果前面呢三條大陸仔有我咁嘅background,佢哋肯定可以好好利用、飛黃騰達,話唔定《中國合伙人》都做埋!」我將平時只會在Whatsapp說的話一五一十地爆出來。

 

「又講,你明明好好,目標唔一定同錢掛勾嘅,你唱歌咁好聽,點解你唔試吓向呢方面發展?」國材語重心長道。

對,我也忘記了自己很喜歡唱歌,平時出來說話也沒有人想聽,但每每唱起歌,時間就像靜止了;不過唱歌又有幾多個揾到食,有幾多個許廷鏗啊?

 

我:「算啦,『這些機會不是屬於我的*』,陪我返7仔買啲嘢。」

 

*這些機會不是屬於我的:出自前雙失青年阿源於《星期日檔案》的訪問,後成為高登及網路名句。

Share On
Dislike
0

發表評論